Pounamu Pounamu - Te Reo Maori Edition by Witi Ihimaera

E rima tekau tau ki muri, ka puta mai a 'Pounamu Pounamu' hei kai ma te ao panui reo Pakeha. Ko te whakataunga a nga mana matauranga o Aotearoa o taua wa, he pukapuka tēnei ma nga tamariki i nga kura o te motu whanui. Kua huri te ao, kua hipa te wa, ko tēnei a 'Pounamu Pounamu' e horahia nei hei hakari ma te kaipanui reo Maori, ko ia ra pea te mokopuna a te kaipanui reo Pakeha o mua. Ka pēhea te kawe i te wairua o tēnei kohinga korero e rangiwhawha nei te panuitia, kia rangona tonutia ai te kounga o te kupu Pakeha? Me kawe tonu i te pukuhohe o He Kēmu Kari , i te ngau mamae o Tangi , i te hohonu o te aroha o Te Tamaiti. Kua whakautua taua karanga e nga kaiwhakawhiti reo Maori tekau ma tahi i noho ra hei pia i Te Panekiretanga o te Reo me nga Kura Reo. He mea homiromiro a ratou whakamaoritanga e te kahui hihira, e Makoha Gardiner ratou ko Pania Papa, ko Hēni Jacob, ko Stephanie Tibble. Kei roto nei nga hua o ta nga kahui nei whakaheke tota, e kitea ai, e rangona ai hoki te puawaitanga o te reo Maori me nga reo a-iwi i roto i nga tau. Kei te tū rangatira tonu nga kupu i rere mai ai i te pene a Witi Ihimaera, nana te huarahi i para hei whai ma te kaituhi kaupapa Maori. Me mihi, ka tika. Ko Kotahi Rau Pukapuka te waka. Ko te pae tawhiti, kia 100 nga pukapuka reo Maori ka pae ki uta. Ko te whainga, kia puawai te aroha ki te reo ma te rau pukapuka. Tēnei matou e pohiri ana i a Penguin Random House hei hoa whakatere, hei hoa whakatutuki i nga wawata o te hunga e ngakaunui ana ki te reo Maori. This 2023 Penguin Random House New Zealand Paperback is brand new.

ISBN: 9781761047961 SKU: 1570477 This image is of the actual book.

Location: Maori